Wednesday, November 11, 2015

၁။ ပြည်​ပ​သို့ ​ကုန်​စည်​ပြ​ပွဲ​သွား​ရောက် ​ပြ​သ​ခွင့်​ရှိ​သူ​များ ( ​အ​စိုး​ရ​ဌာ​န ၊ ​သ​မ ၊ ​ကု​မ္ပဏီ​များ)
အ​စိုး​ရ​ဝန်​ကြီး​ဌာ​န​များ၊ ​သ​မ​ဝါ​ယ​မ​ဦး​စီး​ဌာ​န​အောက်​ရှိ ​သ​မ​ဝါ​ယ​မ​အ​သင်း​များ၊ UMFCCI ​အ​သင်း​ချုပ်​အောက်​ရှိ ​အ​သင်း​အ​ဖွဲ့​များ၊ ​ကု​မ္ပဏီ​များ​ပြ​သ​ခွင့်​ရှိ​ပြီး ​အ​မျိုး​သား ​စီ​မံ​ကိန်း​နှင့် ​စီး​ပွား​ရေး​ဖွံ့​ဖြိုး ​တိုး​တက်​မှု​ဝန်​ကြီး​ဌာ​န၊ ​ရင်း​နှီး​မြုပ်​နှံ​မှု​နှင့် ​ကု​မ္ပဏီ​များ ​ညွှန်​ကြား​မှု​ဦး​စီး​ဌာ​န (Directorate of Investment and Company Administration-DICA) ​၏ ​သက်​တမ်း​ရှိ ​ကု​မ္ပဏီ​မှတ်​ပုံ​တင်​လက်​မှတ် ​ရှိ​သူ ​ဖြစ်​ရ​ပါ​မည်။

၂။ ပြ​သ​ခွင့်​ရှိ​သည့် ​ပ​စ္စည်း​များ
​စီး​ပွား​ရေး​နှင့်​ကူး​သန်း​ရောင်း​ဝယ်​ရေး​ဝန်​ကြီး​ဌာ​န၊ ​တည်​ဆဲ​ပို့​ကုန်၊ ​သွင်း​ကုန် ​ဥ​ပ​ဒေ ​အ​ရ ​ပြည်​ပ​သို့​တင်​ပို့​ရန် ​တား​မြစ်​ကန့်​သတ်​ထား​သည့် ​ပ​စ္စည်း​များ​မှ​အ​ပ ​တင်​ပို့​ရန်​ခွင့်​ပြု​ထား ​သော ​ကုန်​ပ​စ္စည်းများ​အား ​ပြ​သ​ခွင့်​ပြု​ပါ​သည်။

၃။ အ​ထူး​ထောက်​ခံ​ချက်​ယူ​ရန် ​လို​အပ်​သော​ပ​စ္စည်း​များ
​ပြ​သ​မည့် ​ပ​စ္စည်း​များ​သည် ​သက်​ဆိုင်​ရာ​ဝန်​ကြီး​ဌာ​န​များ​၏ ​ခွင့်​ပြု​ချက် ​ရ​ယူ​ရ​မည့် ​ပ​စ္စည်း​များ ​ဖြစ်​ပါ​က ​သက်​ဆိုင်​ရာ​ဝန်​ကြီး​ဌာ​န​၏ ​ခွင့်​ပြု​ချက်​ကို ​ကြို​တင်​ရ​ယူ​ရ​မည့်​ဖြစ်​ပြီး ​ခွင့်​ပြု​ချက်​ရ​ရှိ​မှ​သာ ​သွား​ရောက်​ပြ​သ​ခွင့်​ပြု​မည် ​ဖြစ်​ပါ​သည်။ (​ခွင့်​ပြု​ချက်​ရ​ယူ​ရ​မည့် ​ပ​စ္စည်း ​များ ​ဥ​ပ​မာ- ​ဆက်​သွယ်​ရေး ​ဆိုင်​ရာ​စက်​ပ​စ္စည်း​များ၊ ​ကျောက်​မျက်​လက်​ဝတ်​ရ​တ​နာ​နှင့် ​သ​တ္တု​ပ​စ္စည်း​များ၊ ​စား​သောက်​ကုန်ပ​စ္စည်း​များ၊ ​သစ်​တော​ထွက်ပ​စ္စည်း​များ၊ ​ရှေး​ဟောင်း​ပ​စ္စည်း​များ)

၄။ သွား​ရောက်​ပြ​သ​နိုင်​သော ​နိုင်​ငံ​များ
​ကု​လ​သ​မ​ဂ္ဂ​မှ ​စီး​ပွား​ရေး​ပိတ်​ဆို့​အ​ရေး​ယူ​ရန် ​ထုတ်​ပြန်​ထား​သော​နိုင်​ငံ​များ၊ ​မြန်​မာ ​နိုင်​ငံ​အ​စိုး​ရ​မှ ​သွား​ရောက်​ရန်​ကန့်​သတ်​တား​မြစ်​ထား​သော​နိုင်​ငံ​များ​အ​ပ ​ကျန်​နိုင်​ငံ​များ​သို့ ​သွား​ရောက်​ပြ​သ​နိုင်​ပါ​သည်။

၅။ ခွင့်​ပြု​ချက်​ရ​ယူ​ရန် ​လုပ်​ငန်း​စဉ်​အ​ဆင့်​ဆင့်
​ပြ​သ​မည့် ​အ​သင်း​အ​ဖွဲ့၊ ​လုပ်​ငန်း​ရှင်​မှ ​ပြည်​ပ​ကုန်​စည်​ပြ​ပွဲ​များ​သို့ ​သွား​ရောက်​ပြ​သ​လို​ပါ​က ​ကုန်​စည်​ပြ​ပွဲ​ဆိုင်​ရာ​လုပ်​ထုံး​လုပ်​နည်း​များ​အ​ရ - ​အ​ရေ​အ​တွက် ၊ ​စျေး​နှုန်း ၊ ​တန်​ဖိုး ၊ Invoices ​စာ​ရင်း ​များ​ကို ​စီး​ပွား​ရေး​နှင့်​ကူး​သန်း​ရောင်း​ဝယ်​ရေး​ဝန်​ကြီး​ဌာ​န​သို့​ပြ​ပွဲ​မ​ကျင်း​ပ​မီ ​အ​နည်း​ဆုံး(၁)​လ ​ကြို​တင်​၍ ​တင်​ပြ​လျှောက်​ထား​ရ​ပါ​သည်။ ​ပြ​သ​မည့် ​ကုန်​ပ​စ္စည်း​များ​နှင့်​ပတ်​သက်​၍ ​သက်​ဆိုင်​ရာ​ဝန်​ကြီး​ဌာ​န​များ​၏ ​ခွင့်​ပြု​ထောက်​ခံ​ချက်​များ ​လို​အပ်​ပါ​က ​ယင်း​ဝန်​ကြီး​ဌာ​န​များ​သို့ ​ပြ​သ​မည့်​ပ​စ္စည်း​များ​၏ ​အ​ရေ​အ​တွက် ၊ ​စျေး​နှုန်း၊ ​တန်​ဖိုး၊ ​အ​ရည်​အ​သွေး ​ထောက်​ခံ​ချက်​များ ​ရ​ရှိ​ရေး​အ​တွက် ​ကုန်​သွယ်​မှု​မြှင့်​တင်​ရေး​နှင့် ​စား​သုံး​သူ​ရေး​ရာ​ဦး​စီး​ဌာ​န (Department Of Trade Promotion & Consumer Affairs- DTPCA) ​မှ ​ညှိ​နှိုင်း​အ​ကြောင်း​ကြား​ရ​ပါ​သည်။ ​ပြ​သ​မည့်​ပ​စ္စည်း​များ​နှင့်​ပတ်​သက်​၍ ​သက်​ဆိုင်​ရာ​ဝန်​ကြီး​ဌာ​န​များ ​၏ ​ခွင့်​ပြု​ထောက်​ခံ​ချက်​ရ​ရှိ​ပါ​က ​စီး​ပွား​ရေး​နှင့်​ကူး​သန်း​ရောင်း​ဝယ်​ရေး​ဝန်​ကြီး​ဌာ​န၊ ​ကုန်​စည်​ပြ​ပွဲ​များ ​ကျင်း​ပ​ပြု​လုပ်​ခြင်း​ဆိုင်​ရာ​ကြီး​ကြပ်​မှု​ကော်​မ​တီ​သို့ ​တင်​ပြ​ပြီး ​ပြ​သ​ခွင့်​နှင့် ​ပ​စ္စည်း​များ​ယာ​ယီ ​တင်​ပို့/ ​တင်​သွင်း​ခွင့်​လိုင်​စင် ​ထုတ်​ပေး​ရန် ​အ​တည်​ပြု​ချက်​ရ​ရှိ​ပါ​က (DTPCA)  ​ဌာ​န​မှ ​ယာ​ယီ​တင်​ပို့၊​တင်​သွင်းခွင့်လိုင်​စင် ​ထုတ်​ပေး​မည်​ဖြစ်​ပါ​သည်။

၆။ ပြ​ပွဲ​ကာ​လ​ကန့်​သတ်​ချက်
ပြ​ပွဲ​ကာ​လ​ကန့်​သတ်​ချက်​မှာ ​ပြ​ပွဲ​ကျင်း​ပ​သည့်​နိုင်​ငံ​ရှိ ​ပြ​ပွဲ​ကျင်း​ပ​ရေး​ကော်​မ​တီ​၏ ​သတ်​မှတ် ​ချက်​အ​တိုင်း​ဖြစ်​ပါ​သည်။

၇။ ပြ​သ​သော​ပ​စ္စည်း​များ​အား  ​တင်​ပို့​ခြင်း
​ပြ​သ​သော​ပ​စ္စည်း​များ ​ပြ​ပွဲ​သို့ ​မ​သွား​ရောက်​မီ ​အ​ကောက်​ခွန်​ဦး​စီး​ဌာ​န၊ ​ပ​စ္စည်း​နှင့်​သက်​ဆိုင်သည့်​ အ​စိုး​ရ​ဌာ​န​များ (​မြန်​မာ့​ကျောက်​မျက်​ရ​တ​နာ ​ရောင်း​ဝယ်​ရေး​လုပ်​ငန်း၊ ​သစ်​တော​ဦး​စီး​ဌာ​န၊ ​ရှေး​ဟောင်း​သု​တေ​သ​နှင့် ​အ​မျိုး​သား​ပြ​တိုက်​ဦး​စီး​ဌာ​န) ​နှင့် ​ပ​စ္စည်း​ပိုင်​ရှင်​တို့​မှ ​ပူး​တွဲ​စစ်​ဆေး​ပြီး​မှသာ​လျှင် ​ပြည်​ပ​သို့ ​စ​နစ်​တ​ကျ​သယ်​ယူ​ခွင့်၊ ​တင်​ပို​ခွင့်​ပြု​ပါ​သည်။

၈။ ပြ​သ​သော​ပ​စ္စည်း​များ​အား ​ပြည်​ပ​တွင်​ရောင်း​ချ​ခြင်း
ကုန်​စည်​ပြ​ပွဲ​တွင် ​ပြ​သ​မည့် ​ပ​စ္စည်း​များ​ကို ​ပြ​ပွဲ​ကာ​လ​အ​တွင်း​ဖြစ်​စေ၊ ​ပြ​ပွဲ​ပြီး​သည့်​နောက်​ဖြစ်​စေ ​ရောင်း​ချ​ခြင်း​ကို ​အ​ဖွဲ့​ခေါင်​ဆောင်​၏ ​ခွင့်​ပြု​ချက်​ဖြင့် ​မြန်​မာ​နိုင်​ငံ​ဘဏ်​များ​က ​လက်​ခံ​သည့် ​နိုင်​ငံ​ခြား​ငွေ​ဖြင့်​သာ ​ရောင်း​ချ​ခွင့်​ပြု​ပါ​သည်။ ​မြန်​မာ​နိုင်​ငံ​သို့ ​ပြန်​လည်​ရောက်​ရှိ​သည့်​အ​ခါ ​ဝင်​ငွေ​ခွန်၊ ​ကုန်​သွယ် ​လုပ်​ငန်း​ခွန်​များ ​အ​ပါ​အ​ဝင် ​အ​ခွန်​အ​ရပ်​ရပ်​ကို ​သက်​ဆိုင်​ရာ​အ​ကောက်​ခွန်​ဌာ​န​သို့ ​မ​ပျက်​မ​ကွက် ​ပေး​ဆောင်​ရ​မည် ​ဖြစ်​ပါ​သည်။

​၉။ ပြ​သ​သော​ပ​စ္စည်း​များ​အား ​အ​ခ​မဲ့​ဖြန့်​ဝေ​ခြင်း
ပြ​ပွဲ​တွင်​ရောင်း​ချ​ခြင်း (​သို့​မ​ဟုတ်) ​န​မူ​နာ​ပေး​ဝေ​ခြင်း၊ ​အ​ခ​မဲ့​ပေး​ခြင်း ​ပ​စ္စည်း​စာ​ရင်း​များ​ကို ​ပြ​ပွဲ​ပြ​သ​သည့် ​အ​သင်း​အ​ဖွဲ့​နှင့် ​အ​ဖွဲ့​ခေါင်း​ဆောင်​မှ ​ကု​မ္ပဏီ(၁)​ခု​ချင်း​စီ​အ​လိုက် ​စာ​ရင်း​ပြု​စု​၍ ​ဓါတ်​ပုံ​မှတ်​တမ်း​များ​နှင့် ​စီး​ပွား​ရေး​နှင့် ​ကူး​သန်း​ရောင်း​ဝယ်​ရေး​ဝန်​ကြီး​ဌာ​န၊ ​ကုန်​သွယ်​မှု​မြှင့်​တင်​ရေး​နှင့် ​စား​သုံး​သူ​ရေး​ရာ​ဦး​စီး​ဌာ​န​သို့ ​မ​ပျက်​မ​ကွက် ​တင်​ပြ​ရ​မည် ​ဖြစ်​ပါ​သည်။

​၁၀။ ပြ​သ​သော​ပ​စ္စည်း​များ​အား  ​ပြန်​လည်​တင်​သွင်း​ခြင်း
ကုန်​စည်​ပြ​ပွဲ​တွင် ​ခင်း​ကျင်း​ပြ​သ​ရောင်း​ချ​ရန်​အ​တွက် ​ယူ​ဆောင်​သွား​သော ​ကုန်​ပ​စ္စည်း ​များ​အ​နက်​မှ ​ရောင်း​ချ​ပြီး​နောက် ​ရောင်း​ချ​၍​မ​ရ​ဘဲ ​ကျန်​သည့်​ပ​စ္စည်း​များ​အား ​ကုန်​စည်​ပြ​ပွဲ ​ပြီး​ဆုံး ​ပြီး​သည့်​နေ့​မှ (၁) ​လ ​အ​တွင်း​အ​ပြီး ​မြန်​မာ​နိုင်​ငံ​သို့ ​ပြန်​လည်​တင်​သွင်း​ရ​မည်။ ​လျှောက်​ထား​သည့်​နိုင်​ငံ​ရှိ ​ပြ​ပွဲ​မှ​အ​ပ ​အ​ခြား​နိုင်​ငံ​ဈေး​ကွက်​များ​သို့ ​သွား​ရောက် ​ရောင်း​ချ​ခြင်း ​လုံး​ဝ​ခွင့်​မ​ပြု​ပါ။ ​ပြန်​လည်​တင်​သွင်းရာ​တွင် ​သွင်း​ကုန်​လိုင်​စင် ​လျှောက်​ထား​ရန်​မ​လို​ဘဲ ​တင်​သွင်း ​ခွင့်​ပြု​ပါ​သည်။

​၁၁။ ကျ​သင့်​သော​အ​ခွန်​အ​ခ​များ​ပေး​ဆောင်​ခြင်း (​ပြည်​တွင်း / ​ပြည်​ပ)
ကုန်​စည်​ပြ​ပွဲ​တွင် ​ပြ​သ​မည့် ​ပ​စ္စည်း​များ​ကို ​ပြ​ပွဲ​ကာ​လ​အ​တွင်း​ဖြစ်​စေ၊ ​ပြ​ပွဲ​ပြီး​သည့်​နောက် ​ဖြစ်​စေ ​ရောင်း​ချ​ခြင်း​ကို ​အ​ဖွဲ့​ခေါင်​ဆောင်​၏ ​ခွင့်​ပြု​ချက်​ဖြင့် ​မြန်​မာ​နိုင်​ငံ​ဘဏ်​များ​က ​လက်​ခံ​သည့် ​နိုင်​ငံ​ခြား​ငွေ ​ဖြင့်​သာ ​ရောင်း​ချ​ခွင့်​ပြု​ပါ​သည်။ ​ပြည်​ပ​နိုင်​ငံ​တွင် ​ပြ​သ​ရောင်း​ချ​ခဲ့​သည့် ​ပ​စ္စည်း​များ​အ​တွက် ​ပေး​ချေ ​ရ​မည့် ​အ​ခွန်​များ​ကို ​မ​ပျက်​မ​ကွက်​ပေး​ချေ​ရန်​နှင့် ​မြန်​မာ​နိုင်​ငံ​သို့ ​ပြန်​လည်​ရောက်​ရှိ​သည့်​အ​ခါ ​ဝင်​ငွေ​ခွန်၊ ​ကုန်​သွယ် ​လုပ်​ငန်း​ခွန်​များ ​အ​ပါ​အ​ဝင် ​အ​ခွန်​အ​ရပ်​ရပ်​ကို ​သက်​ဆိုင်​ရာ ​အ​ကောက်​ခွန်​ဌာ​န​သို့ ​မ​ပျက် ​မ​ကွက် ​ပေး​ဆောင်​ရ​မည် ​ဖြစ်​ပါ​သည်။

၁၂။ သယ်​ယူ​ပို့​ဆောင်​ခြင်း
သွား​ရောက်​ပြ​သ​မည့် ​ပြည်​ပ​ကုန်​စည်​ပြ​ပွဲ​သို့ ​ပ​စ္စည်း​သယ်​ယူ​မည့် ​ခ​ရီး​အ​နီး​အ​ဝေး၊ ​ခ​ရီး​လမ်း ​အ​န္တ​ရာယ်​ကင်း​ရှင်း​စေ​ရန် ​အ​ခြေ​အ​နေ​ပေါ်​မူ​တည်​၍ ​ပြ​သ​မည့်​ပ​စ္စည်း​များ​ကို ​လေ​ကြောင်း၊ ​ရေ​ကြောင်း၊ ​ကုန်း​ကြောင်း ​တို့​ဖြင့် ​လို​အပ်​သ​လို ​သယ်​ယူ​ခွင့်​ပြု​သွား​မည်​ဖြစ်​ပါ​သည်။

​၁၃။ ကိုယ်​စား​လှယ်​လွှဲ​အပ်​ခြင်း
ပြည်​ပ​သို့ ​သွား​ရောက်​ပြ​သ​မည့် ​ပ​စ္စည်း​များ ​တင်​ပို့​တင်​သွင်း​ရာ​တွင် ​အ​ကောက်​ခွန်​ရှင်း​လင်း​ရေး ​ဆိုင်​ရာ ​လုပ်​ငန်း​များ​နှင့် ​တင်​ပို့​ခြင်း​ကိ​စ္စ​များ ​ဆောင်​ရွက်​ရန်​အ​တွက် ​ပြည်​တွင်း​မှ ​မြန်​မာ​နိုင်​ငံ​သား ၊ ​တိုင်း​ရင်း​သား ​ဝန်​ဆောင်​မှု​လုပ်​ကိုင်​ခွင့် ​ကု​မ္ပဏီ ​လက်​မှတ်​ရ​ရှိ​သည့် ​ကု​မ္ပ​ဏီ (၁) ​ခု​အား ​ကိုယ်​စား​လှယ် ​ငှား​ရမ်း​လွှဲ​အပ်​ခွင့် ​ရှိ​ပါ​သည်။

​၁၄။ မြန်​မာ​နိုင်​ငံ​ကိုယ်​စား​ပြု ​စု​ဖွဲ့​သွား​ရောက်​ခြင်း
အ​ချို့​ကုန်​စည်​ပြ​ပွဲ​သည် ​စီး​ပွား​ရေး​နှင့်​ကူး​သန်း​ရောင်း​ဝယ်​ရေး​ဝန်​ကြီး​ဌာ​န​မှ ​လိုက်​ပါ​ကြီး​ကြပ်နိုင်​ခြင်း ​မ​ရှိ​ပါ​သ​ဖြင့် ​သွား​ရောက်​မည့် ​ကု​မ္ပဏီ​များ​ထဲ​မှ ​သက်​ဆိုင်​ရာ ​အ​သင်း​ချုပ်၊ ​အ​သင်း​အ​ဖွဲ့​များ​မှ ​တာ​ဝန်​ပေး​အပ်​သည့် ​လုပ်​ငန်း​ရှင်(၁)​ဦး​မှ ​ဦး​ဆောင်​၍ ​ပြ​ပွဲ​ဆိုင်​ရာ ​ကိ​စ္စ​အ​ရပ်​ရပ်​ကို ​ကြီး​ကြပ်​တာ​ဝန်​ယူ ​ဆောင်​ရွက်​ရ​မည် ​ဖြစ်​ပါ​သည်။

​၁၅။ ဆောင်​ရန် / ​ရှောင်​ရန်​များ
ပြ​သ​သူ​များ​သည် ​ပြည်​ထောင်​စု​သ​မ္မ​တ​မြန်​မာ​နိုင်​ငံ​၏ ​တည်​ဆဲ​ဥ​ပ​ဒေ​နှင့် ​ပြ​ပွဲ​ကျင်း​ပ​ပြု​လုပ် ​သည့် ​ပြည်​ပ​နိုင်​ငံ​၏ ​တည်​ဆဲ​ဥ​ပ​ဒေ​များ​ကို ​တိ​ကျ​စွာ ​လိုက်​နာ​ရ​ပါ​မည်။ ​ပြည်​ပ​နိုင်​ငံ​များ​နှင့် ​ပြည်​တွင်းတွင် ​ပေး​ဆောင်​ရ​မည့် ​အ​ခွန်​အ​ရပ်​ရပ်​ကို ​တိ​ကျ​စွာ ​ပေး​ဆောင်​ရ​ပါ​မည်။

​၁၆။ ပြ​သ​မည့်​နိုင်​ငံ​အ​လိုက် ​သိ​ရှိ​သင့်​သော​အ​ချက်​များ
ပြ​ပွဲ​ကျင်း​ပ​မည့်​နိုင်​ငံ​၏ ​နိုင်​ငံ​ရေး၊ ​ဘာ​သာ​ရေး၊ ​ယဉ်​ကျေး​မှု ​ဓ​လေ့​ထုံး​တမ်း​များ၊ ​တည်း​ခို​ရေး၊ ​နေ​ထိုင်​သွား​လာ​ရေး၊ ​ဗီ​ဇာ​ရ​ရှိ​ရေး၊ ​သုံး​စွဲ​သည့်​ငွေ​ကြေး​အ​မျိုး​အ​စား၊ ​ငွေ​လဲ​နှုန်း​များ​ကို ​ကြို​တင် ​လေ့​လာ​သွား​ရန် ​ဖြစ်​ပါ​သည်။

၁၇။ ပြ​ပွဲ​ပြ​သ​ခဲ့​မှု​အ​ခြေ​အ​နေ ​အ​စီ​ရင်​ခံ​စာ​တင်​ပြ​ခြင်း
ပြ​ပွဲ​ပြီး​စီး​၍ ​မြန်​မာ​နိုင်​ငံ​သို့ ​ပြန်​လည်​ရောက်​ရှိ​ပါ​က ​ပြ​ပွဲ​တွင် ​ရောင်း​ချ​ခြင်း၊ ​လှူ​ဒါန်း​ခြင်း၊ ​အ​ခွန်​ပေး​ဆောင်​ခြင်း၊ ​တွေ့​ကြုံ​ရ​သည့် ​အ​ခက်​အ​ခဲ​များ၊ ​ကုန်​သွယ်​မှု​မြှင့်​တင်​နိုင်​ရေး ​သုံး​သပ်​ချက်​များ​ကို ​ဓါတ်​ပုံ​မှတ်​တမ်း​ဖြင့် ​ပူး​တွဲ​၍ ​ကုန်​သွယ်​မှု​မြှင့်​တင်​ရေး​နှင့် ​စား​သုံး​သူ​ရေး​ရာ​ဦး​စီး​ဌာ​န​သို့ ​တင်​ပြ​သွား​ရန် ​ဖြစ်​ပါ​သည်။
လဲ၊ ကျောက်​မျက်​လက်​ဝတ်​ရ​တ​နာ​နှင့် ​သ​တ္တု​ပ​စ္စည်း​များ၊ ​စား​သောက်​ကုန် ​ပ​စ္စည်း​များ၊ ​သစ်​တော​ထွက် ​ပ​စ္စည်း​များ၊ ​ရှေး​ဟောင်း ​ပ​စ္စည်း​များ)

Post Archive

MMK Exchange Rates

Currency Convertor

Tourist Visa Form

https://drive.google.com/open?id=0B3f14tZWkVe_RTdTMDBVWGNJLW8

Business Visa Form

https://drive.google.com/open?id=0B3f14tZWkVe_ZXAxamNuZl9mcE0

Trade-Fair Register

http://mtotpe.blogspot.tw/p/trade-fair-registration.html

CAEXPO Exhibitor Form

https://drive.google.com/open?id=0B3f14tZWkVe_cjU1S05UdlhwZ2s

CAEXPO Visitor Form

https://drive.google.com/open?id=0B3f14tZWkVe_T1k4RnNmZVJfemc

Change Language

Follow by Email

Recommendent Post

Myanmar Investment Environment (CN)

國家概況 ( 緬甸-MYANMAR)              2015年11月全國民主聯盟於國會選舉中大勝,2016年3月底翁山蘇姬的親密戰友廷覺宣誓就任緬甸新總統,此時的緬甸民主之路可以說又邁進了一大步!但也隨著新政府的上臺、美國放寬經濟制裁、市場開放及外資湧入等...

Most View